На 16.05.2012 година на кејот на реката Вардар, втора година по ред, во организација на Европскиот Универзитет беше реализиран пролетниот крос. На оваа спортска активност свое учество зема Воената академија „Генерал Михаило Апостолски” – Скопје, придружна членка на Универзитетот „Гоце Делчев” – Штип.

Дисциплините во кои се организираше кросот беа 1600 метри за мажи и 800 метри за жени. Воената академија учествуваше во двете дисциплини со три питомци во машка конкуренција и три во женска конкуренција.

Питомците од Воената академија во двете дисциплини демонстираа одлична физичка подготвеност.

Сите три први места во женска конкуренција и припаднаа на:
1. место освои пит. Анита Среќковиќ (втора година на ВА)
2. место освои пит. Благица Димитрова (прва година на ВА)
3. место освои пит. Наунова Елеонора (втора година на ВА)

Во машка конкуренција нашите питомци го освоија:
1. место освои пит. Павлов Милан (втора година на ВА)
4. место освои пит. Стефан Пејовски (трета година на ВА)
5. место освои пит. Бурхан Бељули (трета година на ВА)
Први кои им честита на големиот успех на питомците беа нивниот наставник по физичко воспитување од Воената академија м-р Владимир Ивановски, нивниот командант п.полк. Звонимр Савевски и командирот на 2. наставна група кап. Ерхан Халил.

“Сеопфатното стратегиско одбранбено планирање е од суштинска важност за одржување и развој на ефикасен систем за одбрана и подготовка за учество во одбранбеното планирање на НАТО. Вооружените сили на Република Македонија, како дел од поширокиот национален безбедносен систем, природно е да се приспособуваат на современи сфаќања на ризикот, заканите на мирот, безбедноста и стабилноста на Република Македонија“, истакна министерот за одбрана Фатмир Бесими во воведното обраќање на отворањето на научно-стручната конференција насловена „MILCON ‘12“ во Домот на АРМ.

Во тој контекст министерот Бесими додаде дека одбранбеното планирање во Министерството за одбрана го наоѓа балансот помеѓу способностите за одбрана на државата, развојот на распоредливите способности на АРМ, способностите за учество во колективната одбрана во НАТО и, секако, самостојното делување во сите сценарија на стратегиското опкружување.

Осврнувајќи се на интеграцијата на Република Македонија во евроатлантските институции, министерот Бесими посочи дека тоа претставува стратегиски приоритет на државата, во кој се вложуваат долготрајни напори во сите сфери, и воедно го акцентираше веќе познатиот факт дека Република Македонија ги исполни сите критериуми за членство во НАТО и е целосно подготвена за преземање на одговорностите и обврските кои произлегуваат од членството во Алијансата.

„Менаџирањето во областа на одбраната бара уште поголема ефикасност во периоди на економска криза и кратење на националните одбранбени буџети“, рече во своето обраќање министерот Бесими, кој истовремено информираше дека во Министерството е започната изработка на Стратегија за „паметна одбрана“ со цел обезбедување континуиран развој на воените капацитети и способности.

Споменувајќи го системот за кризи министерот Бесими истакна дека од голема важност е координацијата за преземање одредени мерки, и тоа со останатите институции – Полицијата, Центарот за управување со кризи, Дирекцијата за заштита и спасување итн.

Во таа насока и министерот за внатрешни работи, Гордана Јанкулоска дополни дека „системскиот развој на овој сегмент од институционалното функционирање е приоритет нужно насочен кон негово континуирано одржување во потребна кондиција. Овој процес претпочита интегриран координиран меѓуинституционален пристап, а Република Македонија во изминатиот период крајно сериозно пристапи кон сета оваа проблематика“. Како што истакна министерот Јанкулоска, во Министерството за внатрешни работи од март минатата година функционира единица за справување со кризни состојби.

Началникот на Генералштабот на АРМ, генерал-мајор Горанчо Котески посочи дека конференцијата е идеална прилика да се согледаат евентуалните недостатоци и потреби за надоградување на воспоставениот процес на донесување на одлуките, кој мора да биде во спрега со военото планирање, кое во иднина ќе добие нова димензија.

Целта на „MILCON ‘12“ е да се пренесат теоретските размисли, анализи и евалуации од страна на наставниот кадар на Академијата и други еминентни теоретичари на одбраната и безбедноста во поглед на современите операции, но и да се пренесат и конкретните достигнувања и искуства од учеството на припадниците на Армијата на Република Македонија во современите мисии и операции.

Презентациите на Конференцијата тематски се подредени во три работни сесии, после кои се очекува да се развие плодотворна дискусија и дебата.

“Сеопфатното стратегиско одбранбено планирање е од суштинска важност за одржување и развој на ефикасен систем за одбрана и подготовка за учество во одбранбеното планирање на НАТО. Вооружените сили на Република Македонија, како дел од поширокиот национален безбедносен систем, природно е да се приспособуваат на современи сфаќања на ризикот, заканите на мирот, безбедноста и стабилноста на Република Македонија“, истакна министерот за одбрана Фатмир Бесими во воведното обраќање на отворањето на научно-стручната конференција насловена „MILCON ‘12“ во Домот на АРМ.

Во тој контекст министерот Бесими додаде дека одбранбеното планирање во Министерството за одбрана го наоѓа балансот помеѓу способностите за одбрана на државата, развојот на распоредливите способности на АРМ, способностите за учество во колективната одбрана во НАТО и, секако, самостојното делување во сите сценарија на стратегиското опкружување.

Осврнувајќи се на интеграцијата на Република Македонија во евроатлантските институции, министерот Бесими посочи дека тоа претставува стратегиски приоритет на државата, во кој се вложуваат долготрајни напори во сите сфери, и воедно го акцентираше веќе познатиот факт дека Република Македонија ги исполни сите критериуми за членство во НАТО и е целосно подготвена за преземање на одговорностите и обврските кои произлегуваат од членството во Алијансата.

„Менаџирањето во областа на одбраната бара уште поголема ефикасност во периоди на економска криза и кратење на националните одбранбени буџети“, рече во своето обраќање министерот Бесими, кој истовремено информираше дека во Министерството е започната изработка на Стратегија за „паметна одбрана“ со цел обезбедување континуиран развој на воените капацитети и способности.

Споменувајќи го системот за кризи министерот Бесими истакна дека од голема важност е координацијата за преземање одредени мерки, и тоа со останатите институции – Полицијата, Центарот за управување со кризи, Дирекцијата за заштита и спасување итн.

Во таа насока и министерот за внатрешни работи, Гордана Јанкулоска дополни дека „системскиот развој на овој сегмент од институционалното функционирање е приоритет нужно насочен кон негово континуирано одржување во потребна кондиција. Овој процес претпочита интегриран координиран меѓуинституционален пристап, а Република Македонија во изминатиот период крајно сериозно пристапи кон сета оваа проблематика“. Како што истакна министерот Јанкулоска, во Министерството за внатрешни работи од март минатата година функционира единица за справување со кризни состојби.

Началникот на Генералштабот на АРМ, генерал-мајор Горанчо Котески посочи дека конференцијата е идеална прилика да се согледаат евентуалните недостатоци и потреби за надоградување на воспоставениот процес на донесување на одлуките, кој мора да биде во спрега со военото планирање, кое во иднина ќе добие нова димензија.

Целта на „MILCON ‘12“ е да се пренесат теоретските размисли, анализи и евалуации од страна на наставниот кадар на Академијата и други еминентни теоретичари на одбраната и безбедноста во поглед на современите операции, но и да се пренесат и конкретните достигнувања и искуства од учеството на припадниците на Армијата на Република Македонија во современите мисии и операции.

Презентациите на Конференцијата тематски се подредени во три работни сесии, после кои се очекува да се развие плодотворна дискусија и дебата.

Во духот на повеќегодишната соработка помеѓу Воената академија „Ген. Михаило Апостолски“ и Дирекцијата за заштита и спасување во текот на 10-ти мај 2012 година во просториите на Дирекцијата за заштита и спасување се одржа методско-показна симулациска вежба по предметот „Евакуација, засолнување и згрижување на настрадано и загрозено население“ кој задолжително се изучува на Воената академија за студентите од насоката за заштита и спасување и управување со кризи, предводени од предметниот наставник доцент д-р Андреј Илиев. Во рамките на методско-показната симулациска вежба главниот акцент беше ставен на употребата на Гео-информационите системи како алатка за симулирање на катастрофи, како и евакуација на населението согласно предвидените методско-показни симулации.

Главна тема на симулацијата беше браната „Матка“, а посебно внимание беше посветено на зафатените населени места од евентуална хаварија на браната и појава на поплавен бран. За изработка на симулациите беше користен Софтверот MapInfo 9,0 со соодветни растерски и векторски податоци за микро локацијата.

Симулациската вежба ја спроведе раководителот на одделение во Дирекцијата за заштита и спасување и воедно одговорен за Гео-информационите системи м-р Павел Капрически. Преку теоретска и практична настава тој успеа на едноставен и лесно достапен начин за студентите да го објасни процесот на симулација на поплавен бран со цел да се добие информација за најзагрозените населени места и планирање на процесот на евакуација при ваков вид на катастрофа.

Активно учество во наставата имаа и студентите на Воената академија и практично учествуваа во вежби за изработка на симулациите на поплавниот бран при евентуална хаварија на браната “Матка“. Вежбата беше успешно одржана, а студентите се стекнаа со нови сознанија и искуства кои ќе им послужат во понатамошната работа.

Употребата на Гео-информационите системи можат да имаат многу важна улога во процесот на справување со катастрофите, особено во процесот на планирање операции, така што ќе се поедностави работата на Главниот Штаб за заштита и спасување, но и ќе можат да се носат ефикасни и ефективни решенија за справување со настанатата состојба.

Десет дена пред самитот на НАТО во Чикаго министерот за одбрана, Фатмир Бесими, кој ќе биде дел од нашата делегација, вели дека никој нема илузии оти Македонија ќе стане членка на Алијансата без решен спор за името, но дека ним, како министри, никој не им дал право да бидат пасивни, па до последен момент ќе се трудат да излобираат подобра позиција. Тој ги потврдува информациите на „Капитал“ дека во процес е организација на панел-дискусија на која би се разговарало за земјите-аспиранти за членство, од која Македонија би очекувала порака со поддршка

Направете сумарна анализа за ефектите од досега остварените средби?
-Тие посети и средби се еден од главните приоритети. Успеав да се сретнам со сите колеги од земјите од регионот, како и со над 15 земји-членки на НАTО. Тоа беа билатерални средби чија главна цел е да ги артикулираме позициите на Република Македонија во однос на НАТО, односно дека евроатлантските интеграции остануваат врвен приоритет. Тоа е во интерес на Македонија, тоа е позиција за која има политички консензус меѓу партиите, како и најголема поддршка од страна на граѓаните. Следен аргумент е придонесот што го дава Македонија кон мировните мисии на НАТО и во тој контекст, ние сме кредибилен партнер на НАТО. И како уште еден аспект, наведуваме дека приемот во НАТО ни е значаен од временски аспект, да се реализира со поголема динамика. Евроатлантските интеграции се најдобрата алтернатива за регионот, тие дадоа свој придонес за стабилноста и мирот. Значи, ако 90-тите години беа години во регионот кога се водеа најжестоки, крвави војни и имаше многу жртви, во една мултиетничка, мултирелигиозна средина, ние успеавме во последната деценија со присуство на меѓународната заедница, на НАТО, на Европската унија да воспоставиме мир. Сега предизвикот е како овој мир да биде одржлив. Од земји-увозници или корисници на меѓународниот мир станавме придонесувач за мирот или извозник на мирот. Тоа се факти. И тоа е добра можност и момент кој треба да се искористи. Сите сме мали економии, мали држави, каде што можеме да привлечеме странски инвестиции и главен аргумент за развојот е да се обезбедни стабилност. Во таа смисла, НАТО ја дава таа стабилност, односно дава сигнал до инвеститорите дека регионот е стабилен. Доколку се доцни со овој процес, се создава клима на недоволно инвестициии и недоволно нови работни места, општа несигурност. Младите не гледаат толку светла иднина за развој на нивната кариера и подобар живот и на крај, тоа креира амбиент за разочарување. Тоа носи ризик од социјални фрустрации и други импликации, и тоа во регион каде што има уште отворени прашања, како што е северниот дел на Косово, државниот апарат во Босна и функционирањето во тој систем, како и нашето отворено прашање за името. Од конјунктурни политички причини или од други криминогени цели, можат да ја предизвикаат ситуацијата околу стабилноста во регионот.

Вие зборувате за придобивките коишто би ги имала и Алијансата и воопшто, меѓународната заедница, но и Македонија од членството во НАТО. Но, кога се носат конечните одлуки се посочува на еден друг проблем, оној со името, зашто јасно е дека Алијансата нема да отстапи од принципот на консензус.
-Ова се аргументите и пристапот кој го презентираме на сите тие посети. Секаде каде што одам добиваме највисоки пофалби за нашиот придонес кон меѓународните мисии, ги поздравуваат нашите реформи, ја поддржуваат Македонија. Ова го добиваме од секој министер.

Тоа е тапкање по рамо?
-Не, тоа е едно признание за она што го правиме. Свесни сме дека стапуваме во алијанса каде што има дефинирани принципи. Еден е оној на солидарност и консензус меѓу земјите-членки за да постигнат една цел, а тоа е мир и стабилност на светско ниво. Во НАТО се смета дека тоа е принципот што ги држи сите земји заедно. Сега предизвикот е како ние да го решиме тоа прашање. Уште нешто да споменам. Ние немаме дилеми дека треба да најдеме решение со Грција.

Немаме дилеми дека мора да се реши спорот за името за да влеземе во НАТО

Значи, не гаиме илузии дека под БЈРМ ќе влеземе во НАТО?
-Ниту јас лично, ниту кој било министер кој остварува посети, активности или лобирање има таква илузија. Решението е меѓу Македонија и Грција. Каков пристап мислиме дека ќе доведе до решение? Искрен, отворен, интензивен дијалог, односно пристап на партнери во решението. Значи, тоа во иднина може да биде еден јак аргумент како соседи да градиме една цврста добрососедска иднина. Затоа што, членството на Македонија во НАТО е интерес и за Грција. Тоа го има кажано и официјална Атина на средбите. Значи, евроатлантската интеграција е значајна за стабилноста на регионот.

А зошто бараме временски рок? Ако можеме да најдеме решение за една година, зошто да не може веднаш?
-Прашањето не е за потценување. Тоа е комплексно прашање, инаку би се решило уште од самото осамостојување.

А што би се сменило во таа една година?
-Мислам дека во овој период доста е дискутирано, разменети се мислења, има напредок. Во одредени периоди тој е поголем, во некои помал. Не можеме да кажеме дека во Грција во овој период, кога имаат економска состојба којашто ни е позната, веќе имаа и техничка влада, широка коалиција, па избори, ќе го стават прашањето како врвен приоритет. И од таа гледна точка, не може во овој период да се очекува динамиката и интензитетот да бидат силни. Велите, зошто би се решило тоа тогаш? Сметам дека мотивацијата од двете страни би била поголема.

За Грција се сомневам, зошто би била поголема нивната мотивација? Тие тоа би го доживеале како отстапка.
-Не би го доживеале како отстапка ако одиме по пристапот дека сме партнери во едно решение. Доколку сакаме да најдеме решение, доколку пристапиме отворено и искрено и доколку градиме одредена доза доверба, мислам дека ќе дојдеме до одредено решение што би било прифатливо за двете страни. Што би добила Грција? Па би го докажала тоа што го кажува, дека се залага за евроатлантските интеграции и дека сака решение. Која било држава, политичар или лидер имаат одредена одговорност на глобално ниво на конструктивен придонес кон овие процеси. Сега ние зборуваме за кредибилитет на политиките. Државите треба да имаат кредибилитет на тоа што го кажуваат во рамките на меѓународните институции и дека на тоа ќе стојат. Ние немаме друга алтернатива. Треба да сме конзистентни во нашите политики. Дали ова што го правиме во НАТО е нешто во што веруваме, во што нашите граѓани веруваат? Едно се бенефициите, но дали ние веруваме во вредностите што ги промовира НАТО? Дали ние навистина сакаме да обезбедиме слобода на граѓаните? Дали навистина сакаме да обезбедиме мир? Замислете која е таа мотивација и каков имиџ е за една држава, за една нација да дадеш придонес со свои војници, да ризикуваш животи за некаде, во некое место во светот да обезбедиш слобода и мир за други граѓани, за деца кои немаат никаква допирна точка со нас. Тоа го правиме со доверба за промоција на некои вредности. Тоа е најголемата порака и ние не смееме тука да си играме со овие вредности. Со скромен буџет, со скромна економска состојба во Македонија, праќаме војници ја чуваат базата во ИСАФ. Пред вратите на генералот на НАТО во Авганистан стојат војници на АРМ. Значи, тие се тие што стојат таму и ја обезбедуваат базата на ИСАФ во Кабул. Тоа е голема доверба. Зошто сметаме дека можеме да напредуваме во овој процес? Еве, ќе кажам конкретен пример: ние со Грција, иако имаме отворено прашање за името, во регионални проекти, како што е Бригадата на Југоисточна Европа, имаме заеднички позиции, заедничка мисија. Базата на бригадата е во Грција, во Лариса. Командант на оваа бригада е генерал на АРМ. Ако може на бригада во Грција генералот да биде од АРМ, значи дека тоа може да функционира.

Ако сумираме сe што кажавме досега, кои се очекувањата на државава од самитот на НАТО во Чикаго?
-Иако политички сме имале сугестии да ја држиме темава на low profile за да немаме политичка штета по Чикаго, јас мислам дека е добро што се држи темата високо. Ние сме гласани од граѓаните и како влада сме избрани од Собранието за да работиме на интеграцијата. Никој не ни дал за право ние да се откажеме и да не бидеме активни. Ние не велиме дека во Чикаго ќе станеме членка, но не треба да бидеме пасивни. За Македонија да биде членка не е потребен самит на НАТО. Ја имаме надминато таа фаза, односно го имаме положено тој тест. Но, самитот во Чикаго е добра симболика и до последниот момент, доколку можеме, да излобираме подобра позиција. Инаку, сакам да потенцирам нешто што е многу важно во овој процес, но често во јавноста испутштаме експлицитно да го кажеме, а тоа е дека членството во НАТО не е цел сама за себе и не треба да се сфати така, туку тоа еден чин (или инструмент) во еден континуиран процес на евроатлантски интеграции кон остварување на една повисока цел – тоа е здружување за мир и безбедност и промоција на основните човекови вредности на слобода и демократија. Од таа гледна точка, ние во континуитет работиме на реформи и на унапредување на одбраната и на другите институционални капацитети во согласност со стандардите на НАТО, кои постојано се надградуваат.

Ќе излобираме да се отвори прашањето?
-До пред неколку месеци воопшто не се разговараше за ова, бидејќи самитот не е за проширување. Идејата не беше воопшто за споменување од аспект на проширување и земји-аспиранти, но веќе се разговара да има посебен панел во рамките на самитот за земјите-аспиранти: Македонија, Босна, Црна Гора и Грузија и за регионот да има една експлицитна позиција за интерес на НАТО за проширување на регионот и охрабрување, по тој дел и за Република Македонија. Значи, тоа веќе активно го дискутираме за да можеме да очекуваме нешто од Чикаго.

Има ли некоја конкретна држава којашто веќе гарантирала поддршка и дека ќе земе збор или ќе се заложи за дискусија на некој таков панел?
-Видете, самиот факт дека ќе се отвори и се дискутира да се одржи посебен панел за земјите-аспиранти веќе е нешто конкретно, затоа што ние го споменуваме и ќе има во самите заклучоци такви пораки. Самитот ќе биде само уште една пригода да се сретнеме со нашите колеги, да ги артикулираме нашите позиции и да кажеме дека остануваме доследни на нашата цел за членство во НАТО.

Безбедноста и инвестициите се поврзани!

Колку последниов инцидент кај Смиљковци ја наруши стабилноста или безбедноста на државата, со оглед на тоа дека се споменуваа закани од радикален ислам и тероризам?
-Во овој случај, треба да заврши судскиот процес и да се најдат злосторниците што го извршиле овој акт. Тоа што сакам да споменам е дека без разлика на етничката припадност, сите граѓани го осудија тој чин. Тоа е за поздравување, затоа што општеството е издигнато на тоа ниво да може без разлика на етнички и религиски бекграунд да осуди таков чин што & се случи на Република Македонија и секако, дека тоа е најголема трагедија за семејствата на загинатите. Меѓутоа, во однос на стабилноста во Република Македонија, овој случај не би го ставил на исто рамниште со евроатлантските интеграции. Евроатлантските интеграции остануваат најзначаен фактор за мирот и безбедноста. Тоа значи постабилен регион во кој земјите би соработувале уште потесно и би имале уште појака поддршка, како во однос на информациите, така и во однос на безбедноста, разузнавањето, во однос на операциите.

Вие велите дека сите граѓани го осудија чинот. Да, меѓутоа официјални претставници од вашата партија, вклучувајќи го координаторот на пратеничката група на ДУИ, излегоа со став дека не се откриени вистинските виновници и порачаа дека не треба да се калкулира со терминот убијци или МВР да се истрчува пред судскиот систем. Има ли разлики и несогласувања меѓу двете владејачки партии?
-Јас јасно кажав дека тука нема дилема. Сите граѓани, без разлика на нивната етничка и религиозна припадност, го осудија тој чин, тоа убиство.

Сите политичари го осудија убиството, но продолжија јавни искази на сомнеж за начинот на којшто се врши истрагата. Затоа имаме тензии.
-Ние треба да обезбедиме институциите во нашиот правен систем професионално да си ја завршат својата работа, да заврши судскиот процес и на еден објективен начин да се најдат и да се идентификуваат реалните виновници и правдата да дојде на свое место и да нема невини луѓе кои би страдале од овој процес. Тоа е најбитно за иднината, со тоа би се расчистиле какви било дилеми или политички манипулирања од аспект на тоа каков бил процесот или методот.

РАМКА

Владата е ангажирана во периодов на ловење инвестиции по светот, на т.н. „роуд шоуа“. Колку еден инвеститор би бил заинтересиран за земја во која се случуваат вакви инциденти? Како котира Македонија на меѓународната сцена во однос на безбедноста?
-Видете, тоа се поврзани работи. Не може да се каже завршуваме со едно, па продолжуваме со друго. Наша домашна задача, на која било влада е да обезбеди стабилност во земјата. Исто така, наша работа е да создадеме амбиент за инвестиции и да привлечеме инвестиции. Што сакаме да постигнеме? Овие работи треба да помогнат за постигнување на целта – да им обезбедиме на нашите граѓани подобар живот. Сега, јас не би се ставил во позиција да оправдувам каков било чин и од најмал инцидент, и од тепачки што ги имавме во минатото. Тие не припаѓаат во општеството што сакаме да го градиме, една стабилна држава или стабилен регион. Но, за волја на вистината, и во најразвиените земји има слични случаи. Но, тоа не треба да биде никакво алиби дека ваквите случаи се оправдани. Битно е како пристапуваат институциите и каква поддршка имаат од граѓаните. До крај треба да се расчисти со какви било криминални и други процеси што ги има во едно општество, кои секако, имаат негативно влијание врз имиџот на една држава.

Министерството за одбрана, со ова информирање има за цел за да ги информира и запознае граѓаните на Република Македонија за начинот и постапката за доброволно служење на воениот рок во Армијата на Република Македонија (во натамошниот текст:АРМ), и тоа за следното:

Согласно член 62 од Законот за одбрана („Службен весник на РМ“ број 185 од 30.12.2011 година) сите граѓани на Република Македонија кои ги исполнуваат условите за воена служба можат доброволно да се упатат на служење воен рок по наполнување на 18 години, но не подоцна од наполнети 26 години.

За доброволно служење воен рок во АРМ како право се поднесува барање и тоа право го има секој државјанин на Република Македонија од машки и женски пол и за поднесување на истото нема определен рок.

Барањето за доброволно служење на воен рок во АРМ се поднесува лично од страна на граѓанинот до Министерството за одбрана – Одделението за одбрана во местото на живеалиште односно престојувалиште на граѓанинот, односно каде се води во воената евиденција.

Образецот од Барањето за доброволно служење на воен рок во АРМ на Република Македонија може да се подигне од интернет страницата на Mинистерството за одбрана www.morm.gov.mk , од порталот uslugi.gov.mk како и на шалтерите во Одделенијата за одбрана во Република Македонија.

По приемот на барањата за добороволно служење на воен рок во АРМ поднесени од граѓаните, Одделенијата за одбрана во Република Македонија формираат евиденција а потоа се организира спроведување на лекарски прегледи и психолошки испитувања за утврдување на оценка за способност за воена служба врз основа на план и списоци донесен и усогласен во делот на термините помеѓу Министерството за одбрана и Воено медицинскиот центар-Военолекарска комисија на Министерството за одбрана.

Одделенијата за одбрана во Република Македонија по добивањето планот и списоците со одредени термини за извршување на лекарските прегледи и психолошките испитувања вршат известување, односно повикување на граѓаните кои веќе поднеле барање за извршување на истите на определеното место и термини.

Лекарските прегледи и психолошките испитувања се извршуваат во Воено медицинскиот центар во Скопје и вообичаено траат до 2 (два) дена и од страна на Военолекарската комисија по завршување на истите се донесува наод оценка и мислење за способноста за воена служба и оценката може да биде: „исполнува критериум за воена служба“ или „не исполнува критериум за воена служба“.

По завршувањето на лекарските пргледи и психолошките испитувања граѓаните кои од страна на Военолекарската комисија на Министерството за одбрана се оценети со оценката „исполнува критериум за воена служба“ веќе се кандидати за доброволно служење воен рок и истите се планираат да бидат упатени на доброволно служење на воен рок во АРМ.

Упатувањето на доброволно служење на воен рок во АРМ се врши врз основа на прикажани потреби на Армијата и во случај на надминување на потребниот број во одреден упатен рок, тогаш се применува принципот на редослед на пријавување односно поднесеното барање од страна на граѓаните за доброволно служење воен рок, а останатите граѓани ќе се планираат да бидат упатени во наредниот упатен рок.

Упатувањето на кандидатите на доброволно служење на воен рок во АРМ се врши во три упатни рок (Февруари, Јуни и Октомври) во една календарска година, во времетраење од 3 (три) месеци и се служи во касарната „Алексо Демниевски-Бауман“ во Велес.
Согласно членот 7 од Правилникот за времето и начинот на упатување на граѓаните на отслужување на воениот рок и постапката за прекин на служењето на воениот рок и отпуштање на војниците од АРМ („Службен весник на РМ“ бр.44/2007), кандидатот може да се откаже од служењето на воениот рок, од денот на поднесувањето на барањето до денот на приемот на поканата за упатување на служење на воен рок.

Кандидатот на кој му е врачена поканата за упатување на служење на воен рок, може да се откаже од служењето, најдоцна 10 дена од денот на приемот на поканата.

Кандидатот може да се откаже од служењето на воениот рок со поднесување на лична изјава за откажување.

Се информираат граѓаните на Република Македонија за целосни и навремени информации и одговори на прашања во врска со начинот и постапката за доброволно служење на воен рок во Армијата на Република Македонија може и треба да ги добијат во Одделенијата за одбрана во Република Македонија во местото на живеење.

Со почит,

МИНИСТЕРСТВО ЗА ОДБРАНА

Формулар за доброволно служење во АРМ

Република Македонија и Република Бугарија имаат одлична соработка во одбраната, беше констатирано на денешната средба во Софија на министрите за одбрана на двете земји Фатмир Бесими и Ањо Ангелов.
Во рамки на посетата на Бугарија, беше потпишан Годишен план за соработка меѓу двете министерства. Ова, како што потенцира Бесими, е уште еден знак за одличната досегашна соработка меѓу Македонија и Бугарија.

„И на овој состанок, како и на досегашните што ги имав со колеги од земји-членки на НАТО, соговорниците ги поздравуваат реформите и даваат признание за придонесот на Република Македонија во меѓународни мировни мисии и поддршка за членство во НАТО. Секако, во рамки на принципите на НАТО, со усогласување и надминување на отворените прашања кои сè уште стојат на политички план. Република Македонија и „де факто“ со својот придонес покажува дека е кредибилен партнер за НАТО“, истакна министерот Бесими по средбата.

Министерот Бесими, како што рече, на средбата укажал за значењето на членството на Македонија во НАТО, не само за земјата, туку за целиот регион. Според него, членството на земјите од регионот во НАТО е исклучително важно за мирот, стабилноста и просперитетот во регионот.

„Република Македонија останува на определбата за членство во НАТО и има поддршка од граѓаните за тој процес. И на Самитот во Чикаго и потоа, на членството во НАТО не гледаме како цел сама по себе, туку тоа е дел од еден подолг процес што во континуитет ние го водиме во рамки на евроатлантските интеграции“, заклучи Бесими.

На средбата станало збор и за неколку значајни регионални проекти во рамки на SEDM-иницијативата, како и за проекти што се однесуваат на концептот „паметна одбрана“ и за регионални проекти и иницијативи што се од Република Бугарија, Република Македонија и од други земји.
Исто така, на средбата се разговарало и за донации и школување на офицери од двете земји и за слични можности, како шти се вежбите на кадети во летниот камп во „Криволак“ и други вежби што нашата држава може да ги овозможи.

Денес 10-ти маj (четврток) Началникот на ГШ на АРМ генерал-мајор Горанчо Котески оствари средба со припадниците на Воено медицинскиот центар (ВМЦ) на АРМ на која присуствуваше и клучниот персонал од Бригадата за логистичка поддршка  во чиј состав се наоѓа ВМЦ.

На средбата, Началникот на ГШ на АРМ беше информиран за мисијата, задачите како и актуелните проблеми со кои се соочува ВМЦ, а кои се однесуваат на неговото функционирање како носител на медицинското обезбедување и зачувувањето и унапредувањето на здравјето првенствено на припадниците на АРМ.

  Од страна на генералот Котески беше искажано задоволство од работата на ВМЦ по неговата трансформација, особено во делот на примарната и стоматолошка здравствена заштита на припадниците на АРМ како главна задача на ВМЦ, но и неговиот придонес во реализацијата на медицинското обезбедување, како и учеството на вежбовните активности на АРМ и организацијата на медицински меѓународни вежби за кои ВМЦ е носител.

Средбата беше можност присутните да ја согледаат опременоста, специфичноста и капацитетите, како и функционалната поставеност и потребите за понатамошниот развој на Воено медицинскиот центар.