Денес, 27 октомври, 2009 година, кога беше и Денот за високите гости, во попладневните часови заврши воената вежба ,,МАКЕДОНСКИ БЛЕСОК – 05“.

Вежбата официјално ја затвори директорот на вежбата полковник Митре Стојанов.

,,Македонски Блесок – 05“ во историјата на АРМ ќе биде запаметена како досега најголемата и најсложена вежба која се изведува со единиците на Армијата на Република Македонија.

Од посебно значење за оваа вежба, е дека за време на нејзиното одржување, се изврши Самооценување НИВО 2 – CREVAL (Combat readiness evaluation) на средниот пешадиски баталјон и четата на воена полиција, кои се декларирани единици за распоредување во мисии предводени од НАТО, ЕУ и ОН, од страна на оценувачкиот тим на АРМ под мониторинг на стручен тим на НАТО Алијансата.

По официјалното прогласување на вежбата дека е завршена, единиците добија задача за враќање на единиците во своите матични гарнизони.

Центарот за односи со јавноста, кој водеше проактивна политика на информирање на вежба ,,Македонски Блесок – 05“ за целосно и континуирано информирање на јавноста на Република Македонија, како и афирмирање на АРМ официјално беше затворен на 27.10.2009 година, во 17.00 часот.