Акронимот „ЛЕПЕЗА“ означува:

Л –лично (кандидатот има можност на личен избор; право на лична одлука - лепеза на можности за избор);

Е - едукација (кандидатот има можност за разни видови едукација - лепеза на можности во изборот на видот на едукацијата);

П – план (кандидатот планира иднина, МО донесува програми, планови и проекти);

Е - енергично (кандидатот по донесувањето на лична одлука, енергично пристапува кон нејзината реализација);

З – заедно (кандидатот не е сам,тој е заедно е со други кандидати - воен персонал на АРМ, со МО и со партнерите утврдени во Програмата за остварување на заедничка цел - лепеза од можен избор на партнер за иднина);

А – активно (кандидатот активно учествува во процесот, од аплицирањето, преку транзициските семинари и фазата на
преобука до завршетокот на процесот, односно до вработувањето во цивилните институции);

Мотото на Програмата е :

„ПЛАНИРАЈ ЈА ИДНИНАТА,
НАМЕСТО ДА СЕ ТРУДИШ ДА ГО СМЕНИШ МИНАТОТО“

„ИЗБЕРИ ВТОРА КАРИЕРА“

Програмата ја имплементира Одделението за враќање во цивилен живот при Секторот за кадровски менаџмент во Министерството за одбрана. Во рамките на одделението за враќање во цивилен живот функционираат центрите за транзиција во Скопје, во Штип и во Кичево.

Програмата „ЛЕПЕЗА” е базирана на искуствата од државите- членки на НАТО, а претставува составен дел и на концептите за развој на офицерскиот и подофицерскиот кор во АРМ.

Целокупната програма е политички, стручно и финасиски подржана од државите членки на НАТО. Најголемиот дел од досегашните активности се финансирани од Кралството Норвешка, а во реализацијата на идните проекти се вклучуваат и други странски партнери.

Програмата „ЛЕПЕЗА” не ветува и не нуди работни места. Со мерките и активности од Програмата им се овозможува на посетителите на активностите сами да го најдат „своето место под сонцето”, сами да се изборат за статус каков што заслужуваат согласно нивните желби, визии за иднината и личните компетенции.

Програмата „ЛЕПЕЗА“ НЕ Е:

• програма за редукција на воениот персонал;
• правилник за избор и распоредување на вработените во Министерството за одбрана;
• правилник за селекција на персонал на кој му престанува службата во АРМ.

Со оваа програма Министерството за одбрана на РМ покажува дека се грижи за своите вработени, вложува во континуираната обука на човечкиот потенцијал и дава помош и поттик за вработување во цивилните структури по престанокот на воената служба.