Целта на транзициските семинари е стекнување на знаења и вештини за:

• справување со промените во транзицијата;
• идентификување на сопствените способности, вештини и потенцијали;
• тестирање на сопствените комуникациски вештини и карактеристики на кариерата;
• поставување на цели и донесување на одлуки за втора кариера;
• развивање на способноста за сопствена презентација (изработка на CV, формирање на мрежа за барање работа, аплицирање за работа, подготовка за интервју и вежба за интервју).
  

Транзициските семинари се реализираат по приемот на барањето за транзиција по завршетокот на првиот поединечен разговор со кандидатот за транзиција. Транзициските семинари се одржуваат во центрите за транзиција во Скопје, во Штип и во Кичево, а ги изведуваат советниците за транзиција вработени во центрите.

Освен советниците за транзиција во реализација на семинарите по потреба учествуваат и гости - предавачи, специјалисти во одредени области поврзани со потребите и интересот на корисниците на програмата „ЛЕПЕЗА“.

По завршувањето на транзицискиот семинар, советниците за транзиција со секој од учесниците во семинарите спроведуваат втор поединечен разговор каде кандидатите за транзиција ги презентираат сопствените идеи и желби за нивната понатамошна професионална преквалификација и преобука.

Посетувањето на транзициските семинари е услов за вклучување во проектите за стручно оспособување за цивилни занимања.