Целта на проектот за стручно оспособување на офицерите за цивилни занимања е офицерите коишто ја напуштаат службата во АРМ да се здобијат со знаења, вештини и специфични способности со кои ќе бидат поконкурентни на цивилниот пазар на трудот и ќе можат да најдат работни места соодветни на нивниот степен на образование и нивниот претходен општествен статус.

Специфични цели на проектот се:

- Понуда на обуки на целната група заради стекнување на специфични цивилни знаења и вештини,
- Анимирање на целната група за посетување на одреден вид на преобука или преквалификација,
- постигнување на максимални резултати во однос на здобивање на нови професионални вештини и знаења,
- целосна професионална преориентација и започнување на втора кариера во цивилниот живот,
- Иницирање на кандидатите за започнување на сопствен бизнис,
- Зголемување на степенот на вработеност на целната група и
- Создавање на услови за воспоставување на микрокредитна линија за потребите на целната група.

Очекувани резултати

- Воспоставување на квалитетен систем на организација и реализација на проектот
- Вклучување на максимален број на лица во стручното оспособување (90 % од лицата кои поминале низ транзициските семинари)
- Повторно вработување на минимум 50% од лицата кои поминале низ стручното оспособување во периодот на траењето на проектот.
- Целната група да биде конкурентна на пазарот на трудот на Република Македонија
- Подобрување на имиџот на програмата – вклучување на поголем број на лица во програмата во иднина.

Услови за вклучување и користење на проектот:

- На лицето да му престанала службата во АРМ или да е на списокот на лица на кои им престанува службата во текот на годината,
- лицето претходно да поминало низ поединечни разговори и транзициски семинар, да изработило личен план за кариера и да се определило за одреден вид обука или преквалификација (да доставило барање за обука

П Р Е Г Л Е Д на обуки кои офицерскиот персонал на кој му завршува службата во Армијата на Република Македонија има можност да ги одбере

Ред.бр.	Вид на обука	Изведувач на обуката
1	Обука за менаџмент и претприемништво	Центар за развој на нови бизниси
2	Информатичка обука	Изборот е во тек
3	Јазична обука	Центар за странски јазици при АРМ
4	Занаетчиски обуки	РУ „Кочо Рацин“
5	Занаетчиски обуки	СЕТУ „Михајло Пупин“
6	Занаетчиски обуки	АСУЦ „Боро Петрушевски“
7	Лиценца за обезбедување	Комора за обезбедување на имоти и лица
8	Лиценца за одржување на цивилни воздухоплови	Управа за цивилно воздушна пловидба
9	Други обуки	По избор на кандидатот

Проектот предвидува и индивидуална помош и поддршка на кандидатите во контактите со потенцијалните работодавачи преку организација на саеми и форуми за работа.