Заради откривање и следење
на опасности од воени дејства, природни непогоди, епидемии и техничко-технолошки
катастрофи и други несреќи кои можат да ги загрозат луѓето и материјалните
добра, како и за известување и тревожење на населението , се организира
систем за набљудување, известување и тревожење во Републиката.
Член 104
Набњудувањето и известувањето
го организира и подготвува министерството за одбрана.
За опасностите и појавите од
член 103 на овој закон органите на државната власт, единиците на
локалната самоуправа, трговските друштва, јавните претпријатија,
установи и служби се должни да го известат и Министерството за одбрана.
Известување на населението може
да врши и Министерството за одбрана.
Член 105
Тревожењето на населението
го врши Министерството за одбрана со употреба на знаци за тревожење.
Знаците за тревожење се единствени
и со уредба ги пропишува Владата.
Член 106
За потребите на тревожење
на населението, по барање на Министерството за одбрана, сопствениците
на објектите се должни да дозволат поставување и приклучување на
уреди од системот за јавно тревожење на тие објекти.
Трошоците за поставување и одржување
на уредите за тревожење и за надомест на штета предизвикана од поставување
на уредите за тревожење, се на товар на Министерството за одбрана.
