Република Македонија останува посветена на придонесот во операциите предводени од НАТО. Почнувајќи од 01.01.2015 година, Република Македонија учествува во мировната мисија на Северно атлантската алијанса во Авганистан наречена „Одлучна поддршка“ (“Resolute Support”). Во оваа мировна мисија, Република Македонија во моментов учествува со 44 припадници на Армијата на Република Македонија во соработка со силите на САД, Република Турција, Сојузна Република Германија, како и во рамките на регионалниот придонес во А5 формат и тоа:
- со единица за обезбедување на Командата на мисијата „Одлучна поддршка“,
- со штабен персонал во соработка со силите на Република Турција сили за обезбедување во Регионалната команда Кабул и во рамките на заедничкиот контингент на САД-Јадранската повелба, во Регионалната команда Север,
- со инструктори и експерти за обука и советување во заедничката мисија со силите на СР Германија во Регионалната команда Север.
Нов квалитет на учеството на Република Македонија во НАТО мисијата во Авганистан е фактот дека Македонија покрај придонесот со контингент за заштита на силите, дава придонес и со штабни офицери.
Во 2018 година го зголеми учеството со персонал во мисијата „Одлучна поддршка“ за 20 %.
